Operaco Ten-Go

Operaco Ten-Go (天號作戰 (Kyūjitai) or 天号作戦 (Shinjitai) Ten-gō Sakusen) estis japana marbatala operacplano en 1945, konsistanta el kvar ebloj. Unua eblo, Operaco Ĉielo Unu (aŭ Ten-iĉi-gō 天一号) iĝis la lasta grava japana marbatala operaco en la Pacifika Fronto de la Dua Mondmilito. La rezulta engaĝiĝo estas konata ankaŭ kiel Batalo de la Orientĉina Maro.

En aprilo 1945, la japana batalŝipo Jamato (nome la plej granda batalŝipo en la mondo), kun naŭ aliaj japanaj batalŝipoj, elŝipiĝis el Japanio en intenca atako al la fortoj de Aliancanoj engaĝiĝintaj en la Batalo de Okinavo. La japana forto estis atakita, haltigita, kaj preskaŭ detruita fare de usonaj militaviadiloj portitaj per aviadilŝipoj antaŭ atingi Okinavon. Jamato kaj kvin aliaj japanaj batalŝipo estis sinkigitaj.

La batalo montris la usonan aerhegemonion en la Pacifika Fronto je tiu stadio en la milito kaj la vundeblecon de surfacaj ŝipoj sen aerkovro per aera atako. La batalo montris ankaŭ la pretecon de Japanio memoferi kompletajn ŝipojn, eĉ la plej valorajn el sia ŝiparo, en malespera kamikazaj atakoj cele al haltigo de la avanco de Aliancanoj al la japanaj hejminsuloj.